sábado, 30 de setembro de 2017

"UN ROTEIRO CHEO DE HISTORIAS" - Animación á Lectura con ANA HERMIDA - PROGRAMA "CONTOS NA NATUREZA"

Continuamos en BIBLIOPAZOS coa programación de Animación á Lectura para este ano 2017 e seguimos co noso programa "CONTOS NA NATUREZA" a través do que se pretende promover e dinamizar o uso da lingua galega e fomentar a animación á lectura mediante a promoción da tradición oral galega a través de contadores de historias, incrementado así a oferta da actividade cultural en lingua galega no municipio e apostando pola posta en valor do patrimonio arqueolóxico, etnográfico, natural e cultural do Concello.


Nesta ocasión achegarémonos á Senda da Fraga do Barragán cos alumnos/as de 1º, 2º, 3º e 4º de ESO do CPI "Curros Enríquez" de Pazos e os usuarios da ASOCIACIÓN ASPAVI.

A andaina iniciarémola ás 10:00 horas da mañá en Freaza (Mondariz) e dende alí percorreremos uns 5 km de senda pasando polas parroquias de Xunqueiras e Moscoso en Pazos de Borbén, para finalizar na zona coñecida como "Monte da Cidade" en Calvos (Fornelos de Montes) a donde temos previsto chegar sobre as 12:00 horas.

Muíño do Barragán

Ao chegar ao Monte da Cidade teremos con nos a

ANA HERMIDA, da Asociación Cultural Lisístrata
 
co seu espectáculo
 
"UN ROTEIRO CHEO DE HISTORIAS"

A Cidade

Os espazos que andamos cada día agochan segredos que convén coñecer, tamén o entorno natural está cheo de contos que iremos narrando nun percorrido cheo de historias da historia, lendas fascinantes, curiosidades e personaxes que gardamos na mochila para todo o público que se achegue a facer este roteiro con nós.

O río en Xunqueiras


ANA HERMIDA é Licenciada en Arte dramática por Casahamlet, participou nesta compañía como profesional na obra "Se non queres casar, o mesmo dá", así como en series de televisión, cine, teatro, radio, documentais, dobraxe... conta tamén con experiencia no mundo da narración oral.

No teatro interpretou, entre outros, a Cunqueiro, Shakespeare, Pisón, Graña, Rosalía... Actuacións en numerosos lugares da xeografía galega. Formación no mundo da Igualdade e Violencia de Xénero. Actualmente desenvolve o seu traballo artístico (narración, teatro, recitais) en Lisístrata, potenciando a figura feminina e concienciando na igualdade e violencia de xénero, valéndose para tal medio das artes escénicas. 

Esta actividade está patrocinada pola Deputación Provincial de Pontevedra e a Xunta de Galicia. 

Para asistir a esta actividade é necesaria a INSCRICIÓN PREVIA na Biblioteca, chamando ao teléfono

986 497 273

VEN A BIBLIOPAZOS
E 
PARTICIPA DAS ACTIVIDADES!

Ningún comentario:

Publicar un comentario

Grazas polo teu comentario e por compartir a túa experiencia.
A túa participación axúdanos a mellorar.

BUSCAR NO BLOG


gadgets para blogger