ESCARLATINA, A COCIÑEIRA DEFUNTA

ESCARLATINA, A COCIÑEIRA DEFUNTA

Autora: Ledicia Costas

Ilustracións: Víctor Rivas

Editorial: Edicións Xerais de Galicia, S.A

Ano de edición: 2014

Xénero: Narrativa

Idade recomendada: + 11 anos.

Como Román Casas quería ser un auténtico chef, pediulle aos seus pais un curso de cociña para o seu décimo aniversario, que coincide co Día de Defuntos, a festa dos mortos. E nese día tan especial recibiu un megasusto, un agasallo moi singular, un cadaleito acompañado dun sobre negro onde viñan as instrucións para activar a Escarlatina, unha cociñeira falecida no século XIX que nunca se separa de Lady Horreur, un arrepiante arañón con acento francés.

A bordo do mortobús, os tres novos amigos e mais o gato Dodoto viaxarán ao Inframundo, onde os defuntos viven baixo as ordes de Amanito, o tirano que goberna no Alén coa axuda dos funguiños: os seus terroríficos esbirros.

Unha ducia de moi gorentosas e larpeiras receitas, as máis sabedeiras do mundo dos vivos e dos mortos, dan paso a cada un dos bocados desta historia de humor macabro que estimula o apetito do lector e a curiosidade polo mundo da cociña.

Premio Merlín de Literatura Infantil 2014

 

Serie: Merlín marelo
ISBN: 978-84-9914-739-0

Encadernación: Tapa branda

Formato: 19 x 14 cm

Nº de páxinas: 167